Þjónusta

Takk fyrir að kynna þér þjónustuna okkar

Við erum til staðar, til að styðja við óskir og þarfir verðandi og nýbakaðra foreldra. Við bjóðum fjölbreytta þjónustu, svo sem fæðingarundirbúning, fæðingarfylgd/ douluþjónustu og aðstoð við að vinna úr erfiðri fæðingarreynslu. Við leggjum okkur fram við að vera til staðar af auðmýkt og af þekkingu. Annars vegar er hægt að fá doulustuðning og svo stök viðtöl eða fræðslu. Nánari upplýsingar hér að neðan og svo má alltaf senda póst á soffia@hondihond.is

 

Fæðingarundirbúningur

Einkatími í fæðingarundirbúningi er sniðinn að ykkar þörfum óháð því hvernig fæðingu þið eruð að undirbúa. Við sníðum fæðingarundirbúninginn að ykkur hvort sem þetta er fyrsta eða þriðja barn, þið stefnið á heimafæðingu eða spítalafæðingu, hvort sem stefnt er á fæðingu eftir keisara eða fæðingu með eða án inngripa.
Við förum yfir ykkar óskir, við hverju megi búast í fæðingunni, hvernig er best að undirbúa sig og hjálpum ykkur að takast á við verkina og átökin með nuddi og stellingum eða hugaræfingum svo sem slökun, öndun og annað sem nýtist í fæðingu.

Undirbúningstími er um 90 mínútur og kostar 9000.-

Fæðingarreynslan

Við bjóðum ykkur að koma í spjall og fara yfir fæðingarreynsluna, tala um ykkar reynslu, skoða algenga líðan eftir erfiða fæðingu og bendum á leiðir og efni til að vinna með hana svo hægt sé að öðlast sátt. Viðtalið er um 60 mínútur, hefti um fæðingarúrvinnslu fylgir og boðið er upp á eftirfylgd eftir viðtalið.

Við mælum með að fólk geri ráð fyrir tveimur viðtölum til að vinna úr fæðingarreynslunni sinni.

Viðtalið kostar 9000.-

 

Fótanudd og fæðingarspjall

Fátt er meira endurnærandi en fótanudd. Við bjóðum upp á fótanudd fyrir barnshafandi konur, dásamleg slökun eftir langan dag.
Tíminn er 60 mínútur og kostar 9000.

 

Fæðingarfylgd

Við veitum samfellda fæðingarfylgd fyrir verðandi foreldra. Við kynnumst foreldrum á meðgöngu og veitum fræðslu, fylgjum foreldrum í gegnum fæðingu barnsins samfellt og veitum eftirfylgd eftir fæðingu. Við sérsniðum þjónustuna að ykkur, fyrir nánari upplýsingar sendið póst á soffia@hondihond.is.  Hér er hægt að lesa nánar um douluþjónustuna.

 

Paraviðtal / Fjölskylduviðtal

Ég útskrifast úr fjölskyldumeðferð frá EHÍ vorið 2018. Sem nemi býð ég upp á para- og fjölskylduviðtöl sem og uppeldisráðgjöf svo sem um svefn. Ég hef sérhæft mig í parasambandi á nýjum tímamótum, líðan um og eftir fæðingu og tengslum foreldra og barns og uppeldisráðgjöf.

Viðtalstími er 60 mínútur og kostar 9000.-