Doulunámskeið

Næsta doulunámskeið verður vorið 2020.

Upplýsingar hér á síðunni eru drög að dagskrá fyrir námskeiðið 2020, með fyrirvara um að dagsetningar geta breyst. Ef þú vilt vera á lista og fá tilkynningu áður en að námskeiðið fer af stað, sendu mér póst á soffia@hondihond.is

Frábært tækifæri fyrir alla sem vilja dýpka skilning sinn á fæðingarferlinu og starfa sem doula. Námið fer fram yfir nokkurra mánaða tímabil, er í staðlotum og fjarnámi og krefst því sjálfstæðra vinnubragða.

Eftir námskeiðið eiga nemendur að kunna góð skil á hvað það er að vera doula, starfssvið doulunnar og vinnubrögð. Geta veitt stuðning á meðgöngu og í fæðingu og vera með staðgóðan skilning á fæðingarferlinu.

Til að geta kallað sig doulu verður að klára námskeiðið og verkefni sem fylgja. Í heildina tekur ferlið því lengri tíma en námskeiðsdagar segja til um.

Námskeiðsuppbygging 2020

17.-19. apríl (kl. 17-21 og 9-16)

Þriggja daga námslota þar sem farið er yfir meðgöngu og fæðingu, starfsvið doulu og praktísk atriði. Við notum líka tímann í að kynnast og kynna uppbyggingu námsins betur.

13.-14. maí frá kl. 17- 21.30

Vinnusmiðja um íslenska starfið, áherslur og starfsvið. Starf doulunnar á Íslandi, praktísk atriði út frá starfsvettvangi og farið er yfir praktísk atriði sem nýtast í stuðningi á meðgöngu og í fæðingu.

6.-7. júní (9-16)

Áhersla á fyrstu dagana eftir fæðingu, brjóstagjöf og stuðning í nýju hlutverki.

3.- 4. september (17-21)

Síðasta vinnusmiðjan, hér tökum við saman námið, förum yfir praktísk atriði, rifjum upp námsefnið og fylgjumst með framvindunni. Verkefnaskil. Við gerum áætlun með næstu skref í náminu og kveðjumst á sama tíma.

 

Námið er í höndum Soffíu Bæringsdóttur, doulu, CBE og fjölskyldufræðings.

Takmarkaður fjöldi þátttakenda.

Nánar um námið:

Námið er opið öllum sem hafa áhuga á doulustörfum. Til að útskrifast sem doula þarf að taka þátt í öllum námsdögum (90% mætingarskylda), vinna verkefni og tileinka sér lesefni. Að auki vera viðstödd þrjár fæðingar eftir að námið hefst.

Verkefnavinnan er m.a. að lesa 6 bækur tengdar fæðingu og skila úr þeim útdrætti, taka saman tilvísanir, skrifa greinargerð um mikilvægi stuðnings og hlutverk doulu ásamt því að skila mati á fæðingunum sem kona var viðstödd.

Að auki förum við vel yfir stuðning á meðgöngu og í fæðingu, nudd og rebozo-notkun á meðgöngu og í fæðingu sem og grunnatriði stuðnings í sængurlegu.

Miðað er við að námið taki tvö ár í heildina.
Verð 137.000.- en 117.000.- ef greitt er snemmgreiðslugjald. 
Staðfestingargjald er 15.000.- 

Nánari upplýsingar á soffia@hondihond.is